Esther Broeksema director di FCVR:
*E fundacion ta presenta nan kico ta un relacion sano
ORANJESTAD (AAN)-- Director di Fundacion Contra Violencia Relacional (FCVR), señora Esther Esther Broeksema, den entrevista cu Matutino DIARIO, a splica cu den nan programa di concientizacion, nan tin diferente grupo di edad cu ta nan partner groups, y sigur esnan adolescente y hasta muchanan ainda mas jong.
Señora Broeksema a splica si, cu e fundacion no por obliga ningun hende na haci algo, pero locual si por haci ta presenta e personanan kico ta un relacion sano. El referi na un tayer di trabao cu e fundacion ta brinda, yama “Rumoring Healthy Relationship”.
“Na momento cu mi ta presenta na bo un situacion healthy, bo ta bay haci un reflexion riba bo mes, y bo ta bay compara bo situacion actual cu locual mi a caba di presenta na bo siendo ta algo healthy. Sin cu mi ta bin di biaha cu e palabra pisa di abuso, dalmento, etc. No! Mi ta presentando bo, kico ta sano. Y bo mes ta bay refleha y bisa ‘locual cu mi ta experenciando na cas, na trabao, na scol, of otro, no ta saludabel’. Y esaki, e proceso di pensa eynan, ta sosode riba tur edad; dus, tur edad, hoben y adultonan. Hunto cu nos partnernan den e nivel social, Tienda di Educacion, entre hopi mas, nos tin hopi instituto cu ta dedica na yuda mayornan y muchanan riba diferente topico, y mi ta kere cu ta hopi importante pa nos como fundacion busca y identifica cual ta e protocolnan hopi necesario, pa entre e Institutonan, formaliza, y nos tin tur e palabracionnan haci, pa na momento cu un famia mester di tal ayudo wak na ki otro fundacion mi por acudi, pa referi e famia aki pa un ayudo adecuado”, señora Broeksema a señala.
