The content originally appeared on:
Diario
ORANJESTAD (AAN): Cu un yamada pa paz y comprension, Catoliconan a cuminsa Diaranson for di mainta trempan caba nan observacion di Cuaresma,
cu huntamento di shinishi simbolizando un cruz na nan frenta.
Hopi religioso di mainta trempan caba a bishita Misa di nan parokia pa marca e prome dia di tempo liturgico mas importante di Iglesia Catolico.
E mensahe ta pa tur hende durante e 40 dianan aki di ayuno, penitencia y limosna, pa nan keda tolerante cu tur otro hende.
Bo tin di compronde tur otro hende, manera cu bo kier pa otronan comprond’e bo, pasobra hopi hende ta lubida di stima nan prohimo. No kere cu bo prohimo ta na un otro pais, sino djis cu e ta banda di bo mes tur dia.
Cu e pensamento cu “shinishi bo ta, y como shinishi lo bo regresa”, Catoliconan a para den rij pa asina haya e cruz for di Pastoor, cual ta simbolisa e pordon di pica y fragilidad humano.
