Casi 55 mil persona a vacuna na Aruba

ORANJESTAD (AAN):  Departamento di Salud a duna di conoce cu te cu 4 di Mei pa 7:30 pm, un total di 54,898 persona a vacuna na Aruba.

Na mesun momento nan a indica cu a haya e prome dosis un total di 31,406 persona y 23,492 a haya tur dos dosis.

DVG a mustra tambe cu 78,390 vacuna a wordo aplica den total.

Esaki ta nifica cu e porcentahe di esnan vacuna na Aruba tur dia ta subi. Si sigui asina lo ta logrando e inmunidad colectivo pa asina Aruba por recupera.

Vacuna ta un acto solidario y ta un responsabilidad conhunto.