Caranan feliz den parada di Kadushi Largo pa Angochi

Organiza pa Colegio Laura Wernet-Paskel

ORANJESTAD (AAN): Manera a keda anuncia caba den DIARIO anteriormente, esaki a bira nan di 47 Parada di Carnaval cu ta ser organiza den bario di Kadushi Largo pa Angochi, y organiza pa Colegio Laura Wernet-Paskel.

   Diabierna atardi despues di 5:30 pm, cu musica y caranan feliz, y disfraznan unico, e muchanan di diferente scol a participa den e Parada aki.

   Colegio Laura Wernet-Paskel a bay cu e tema ‘Riba un Aventura’.  Curason Contento a bay cu tema ‘Brassband’.  St. Jan Kleuterschool a bay cu tema ‘Mascarada Neon’.  Colegio San Hose a bay cu tema ‘Master Legobuilders’.  For di e potretnan aki por mira cu e muchanan a pasa masha dushi mes den e Parada bon anima aki.

   Nans ta spera tur hende por a gosa di e parada, y ta gradici tur cu a haci e parada aki posibel.  Nan ta spera cu nan lo tey otro aña atrobe pa pone ambiente den Kadushi Largo y Angochi.  E parada a start for di Colegio Laura Wernet-Paskel, paasa na cruzada di Sero Compa, y a bay direccion pariba y finaliza na veld di Sportboys Club na Angochi.