Barco di Marina Zr.Ms. Den Helder ta regresa Hulanda

ORANJESTAD (AAN): Diadomingo barco di marina Zr.Ms. Den Helder a sali pa Hulanda.

E barco di suministro di Marina mas nobo aki tabata den awanan di Caribe pa pruebanan for di oktober. E barco awor ta regresa Hulanda pa cuminsa e proceso di preparacion na 2026 manera planea.

Despues di bishitanan na Norfolk y New York, Ministerio di Defensa a dicidi siman pasa pa laga e barco regresa region Caribe. Como un precaucion adicional, e barco tabata disponibel pa reabastece. Ministerio di Defensa awor ta cumpli cu e rol temporal aki di Zr. Ms. Den Helder cu otro recursonan. Como resultado, e barco awor por regresá Hulanda. Ministerio di Defensa lo keda presente den region Caribe cu barconan manera Zr.Ms. Groningen y Zr. Ms. Pelikaan. Hulanda tambe tin capacidad di transporte disponibel den Reino.

Si tur cos bay bon, e tripulacion por celebra Pasco na cas. Despues di esey, Marina lo sigui cu e proceso di preparacion di e barco manera planea.

Pruebanan di tempo cayente y friu

Marina Real di Hulanda a encarga Zr. Ms. Den Helder oficialmente dia 1 di oktober 2025. Despues a cuminsa entrenamento y preparacion.  E barco a completa cu exito e pruebanan di awa cayente den Caribe. E pruebanan aki tabata parti di e trayecto  di preparacion.  E humedad halto y temperaturanan halto di awa di laman a provee ​​condicionnan ideal pa test con e barco y su instalacionnan ta reacciona riba e condicionnan aki. Despues di Pasco, Marina lo sigui cu e proceso di preparacion, cu ta inclui, entre otro, pruebanan den tempo friu. Despues e barco lo ta cla pa operacion.