Audiencia di lider di fraccion AVP cu Gobernador di Aruba

ORANJESTAD (AAN): Parlamentario y lider di Fraccion AVP, Jennifer Arends-Reyes, a bishita Gobernador  Alfonso Boekhoudt na su kabinet pa un audiencia rutinario.

   E encuentro a tuma lugar den e marco di e contacto institucional cu ta forma parti di su funcion como representante di pueblo.

   Arends-Reyes ta duna importancia na un relacion basa riba respet y dialogo entre e diferente institucionnan di Aruba. E contacto aki ta contribui na un miho comprondemento di e realidad di pais y di e responsabilidad cu cada institucion tin den su propio ambito.

   Como parlamentario, su labor ta dirigi na representa e interesnan di comunidad, scucha e preocupacionnan di ciudadanonan y contribui na solucionnan concreto. E intercambio institucional ta forma parti di un manera di traha cu ta pone enfasis riba responsabilidad y disposicion pa dialoga.

E audiencia rutinario cu gobernador ta refleha e atencion cu Arends-Reyes ta duna na e relacionnan institucional den e ehercicio di su funcion parlamentario. Cu e bienestar di Aruba y su pueblo como punto di salida, e lider di Fraccion AVP ta continua su labor riba e asuntonan cu ta afecta comunidad.