Na caminda pa 400 caso activo --- *Aumento di 49 caso den un dia
ORANJESTAD (AAN): Diaranson a drenta e noticia cu Aruba tin 121 caso nobo di Covid-19. Esaki sigur ta un cifra preocupante mirando cu omicron ta na Aruba caba.
Departamento di Salud a informa diaranson cu 33 persona a recupera y un total di 121 caso nobo di COVID-19 a keda registra di cual 35 ta no-residente.
E cifranan aki ta representa un 'Positivity rate' bou di nos residentenan di 21%. E cantidad di casonan activo di COVID-19 ta 372 y cantidad di fayecidonan relaciona cu COVID-19 ta 180.
Datonan ta ilustra casonan nobo di COVID cu un averahe semanal di 51 caso pa dia y un averahe di 'positivity rate' semanal di 19% pa dia.
Actualmente na Aruba tin 8 persona interna debi na COVID di cual den ICU tin 1 persona y riba piso general tin 7.
Na Colombia tin actualmente 6 persona den ICU y ningun (0) riba piso general.
Related News
Prome Ministro a considera su bishita na Nacionnan Uni como fructifero y importante
Estadistica buscando hende pa yuda part-time den Encuesta
CDC a eleva e nivel di risico pa Aruba te na nivel maximo
