Fundacion Pa Nos Muchanan yudando Traimerdia Kudawecha positivamente

ORANJESTAD (AAN): Fundacion Pa Nos Muchanan ta sigui cu nan programa di “The Learning Battery”,

y e biaha aki a haci esey na Traimerdia Kudawecha.  E tabata un grupo chikito, pero cu un impacto grandi.

   Cada mucha ta drenta klas cu un “tas invisibel” yena cu experiencia, emocion, fortaleza y retonan cu por influencia con nan ta sinti, comporta y siña. A traves di e metafora di “E Bateria di Siñamento” , nos a explora con e capacidad mental y emocional di un mucha por varia durante e dia, y con e ambiente y interaccionnan den klas por yuda carga of descarga e bateria aki.

   Door di diferente actividad interactivo, lidernan di Traimerdia Kudawecha a reflexiona riba nan propio rol y riba manera practico pa crea entre otro mas conexion, siguridad, y un espacio pa regula emocion den klas.

   Pasobra cada interaccion ta conta, y un tiki mas di conexion por haci un diferencia grandi den bida di un mucha.