Wardacosta a intercepta boto cu 24 Venezolano abordo den cercania di Aruba

ORANJESTAD (AAN): Diadomingo den oranan di marduga, Wardacosta a detecta un boto sospechoso den vecindario di Aruba.

Despues cu e sistema di radar a registra e contacto sospechoso, Wardacosta mesora a desplega e cutter Panter pa investiga e situacion y dirigi pa e area unda e boto a wordo detecta.

Na yegada di e unidad maritimo, a confirma cu e boto tabatin 24 homber venezolano indocumenta abordo. Despues di e intervencion, e boto a wordo escolta pa e pier na Savaneta.

Na e pier, e 24 hombernan a wordo entrega na Cuerpo Policial di Aruba, cu lo sigui cu e investigacion di e caso pa determina mas detaye relaciona cu e entrada iregular di e personanan aki den vecindario di Aruba.