Husticia a reuni tocante tendencianan mas recien di criminalidad

Polis a presenta e situacion actual

ORANJESTAD (AAN): Recientemente a tuma lugar un presentacion di vital importancia tocante e tendencianan di criminalidad (“criminele trends”) cu ta wordo registra na Aruba. E reunion aki tabatin como meta pa brinda un bista cla, detaya y profundo di e situacion actual di siguridad riba nos isla.

   E presentacion a wordo duna na Minister di Husticia mr.drs. sr Arthur Dowers. Entre e presentenan tabata tey Procurador General, Fiscal Mayor y representante di Veiligheidsdienst Aruba (VDA). Banda di esaki, e sesion a conta cu presencia di e altocomisario Interino di Polis, señora Irma Gordon, hunto cu e alto mando (KMT) di Cuerpo Policial Aruba.

   Durante e presentacion aki a analisa e cifranan y e patronchi (modus operandi) di criminalidad di mas recien. E tipo di dialogo y coordinacion aki entre diferente organonan hudicial ta fundamental pa por desaroya strategianan di prevencion y investigacion mas efectivo pa asina garantisa e siguridad y trankilidad di nos comunidad.