Diferente club social a uni y haci donacion

ORANJESTAD (AAN): E pensamento ta cuadra!  Hunto bo ta haci mihor impacto. 

Cada aña Kiwanis Club of Palm Beach ta organiza un evento social inter-club.  Na esaki ta tur Service Club di Aruba ta reforza nan amistad, y un biaha pa aña ta uni forza pa un donacion conhunto pa sostene comunidad.

   E aña aki, hunto cu siete otro club di servicio na Aruba, cu orguyo nan a presenta un donacion na Stichting Kinderhuis Imeldahof.  E donacion aki ta pa yuda nan sigui cu nan trabao importante pa muchanan cu ta den nan cuido.

   E clubnan cu a yuda ta Kiwanis Club of Palm Beach, Kiwanis Club of Aruba, Kiwanis Club of San Nicolas, Aruba Lions Club, Aruba One Happy Island Lions Club, Quota International of Aruba, Women’s Club of Aruba, y Rotary Club of Aruba.

   A keda demostra cu ora bo traha hunto, bo por logra aun mas.