Diadomingo a observa Dia di Mangelnan

Algo cu a wordo neglisha...

ORANJESTAD (AAN): “Mondi di Mangelnan di Lama” ta crece canto di lama, y na opinion di e experto local Olinda Rasmijn, nan ta palonan spectacular. Nan ta palo fuerte cu diversidad mahestuoso hasta ta wanta  furia di horcan.  Ademas ta conoci cu Mangelnan ta acumula cuminda na nan reis.

   Diadomingo 26 di Juli 2026, a observa “Dia di Mangelnan”.

    Na Aruba por aprecia nan riba rif unda nan reisnan ta crece bon teha den otro. Asina e reisnan ta proteha yiunan di pisca, calco y ta suministra nutricion na tur chikitin cu mester di proteccion.

   Gobernador  Boekhoudt a planta simia di Mangel Tam (Rhizophora Mangle) pa duna balor na Mangelnan. Poco conoce e ecosistema di e raisnan cu tin balor nutritivo pa flora, fauna y diferente insectonan  cu ta biba bao di e superficie.

   Asina nos ta mira tambe den Spaans Lagoen, luga cu nos ta yama “Cuna di Pisca.”

   Segun Rasmijn, na costa tin bastante mangel pero nan ta den peliger tur fin di siman. Hendenan ta yega y ta sinta riba nan reisnan, ta mara cabuya pa wanta tent, ta kap takinan y ta ranca nan blachinan cu ta stroba pa un of otro motibo. A neglisha nan na Santo Largo, Pos Chikito. A laga mangelnan desampara

   Segun El a splica, pa hopi aña ta tur hende atento por a mira nan caida pa despues desaparece. Decadanan prome por a contempla parhanan acuatico ta brui den e saliña yen di bida, a yega di conta 21 sorto di parhanan migrante cu anualmente ta keda riba e isla.

   Cuanto biaha no a hala atencion cu ta perdiendo Mangel Halto. Turistanan cu tin decadanan ta bin Aruba, a pasa oranan bao e Mangelnan ey a reclama cu e Mangelnan cu ta duna frescura  ta cabando. Tur hende a observa e final, a skirbi carta, a grita. Cartanan riba e tema aki a wordo benta den prullebak.  A traha brug pa lama por pasa tur rond di e mangelnan. Mangelnan a bonda, bira berde bunita, parhanan a canta y  fluit, a traha neishi. Pa falta di cuido, atencion a neglisha “Mangel Halto”.