Atleta Bryden Kock di 6 aña a gana medaya oro y silver na ‘Medellinpro7’

ORANJESTAD (AAN): Bryden Kock a representa Aruba cu exito un biaha mas, ganando medaya di oro y plata na Medellín Pro 7 BJJ, na Colombia.

Bryden, un atleta di solamente 6 aña di edad a logra un resultado impresionante. Den su division Gi, el a conkista medaya di oro despues di gana su final match den apenas 15 seconde cu un submission di armbar espectacular.

Den e categoria No-Gi, Bryden a mustra mesun determinacion y curashi ora el a enfrenta un competidor cu tabata pisa 13 liber mas cu ne. A pesar di e desventaha den peso, el a lucha cu gran curason y a logra un mereci medaya di plata.

E logro aki ta un motibo di orguyo pa Aruba, Holmes Jiu-Jitsu School, y tur cu ta sigui y apoya su desaroyo den e deporte.