ORANJESTAD (AAN): Hopi hende kizas no sa, pero na Aruba na Corte ta trata hopi casonan familiar tocante muchanan.
Importante pa sa, cu si e caso ta trata un mucha entre 12 pa 18 aña di edad, e mucha ta wordo invita pa un combersacion cu un Hues. Un combersacion asina por ta ‘spannend’ y por haci muchanan nervioso.
Pero pesey awo, Corte di Husticia a traha un video den cual ta splica con e combersacion aki ta bay.
Esey a pone cu awor den futuro, ora cu e muchanan haya e carta di invitacion, nan lo bay mira un QR-code riba e carta. E mucha por scan e QR-code pa asina ta habri y wak e video y asina e mucha sa kico e por spera di e combersacion.
E video ta mustra cu e mucha, durante e combersacion, por duna su opinion tocante e caso, bisa hues kico ta importante p'e y mas cu claro e no mester score entre un di e partidonan. Tambe e mucha por skirbi un carta pa e hues.
Cu e video aki e muchanan cu ta wordo invita pa bin Corte, por wak e manera amicabel cu e combersacion ta tuma lugar.
