Guardian Group ta sostene Comite Olimpico Arubano rumbo pa Olympiada Los Angeles 2028

Un aporte enfoca riba preparacion, biahe y e trayecto tras di ambicion olimpico

ORANJESTAD (AAN): E preparacionnan di nos delegacion di Aruba rumbo pa weganan Olimpico na Los Angeles 2028 a cuminsa caba. Hopi prome cu atletanan subi riba e escenario mundial, nan trayecto ta forma pa añanan di preparacion, competencianan internacional y desaroyo continuo.

  Guardian Group ta aporta na Comite Olimpico Arubano door di zorg pa nos atletanan di Aruba ta bon sigura durante nan biahenan cu Guardian Group su seguro di biahe,TravelGuard. Esaki encuanto nan competencianan internacional den preparacion pa weganan Olimpico 2028. Representa Aruba riba escenario mundial ta exigi mas cu solamente entrenamento y disciplina, e ta encera tambe biahenan constante.

   Alavez, e sosten aki ta refleha un bista mas amplio: cu salud, movemento y bienestar ta e base di progreso. Door di deporte, atletanan no solamente ta fortalece nan curpa, pero tambe nan enfoke y resilencia. Cu e trankilidad di por biaha y competi sin preocupacion adicional, nan por concentra completamente riba nan prestacion. Esaki ta conecta y refleha directamente cu e principio di My Health, My Wealth, unda un bida activo y un mente trankilo ta contribui na un comunidad mas fuerte.

   Segun Gina Habibe, Managing Director di Guardian Group Aruba “Aporta na deporte y comunidad ta un inversion directo den bienestar a largo plaso. Door di crea e oportunidadnan pa atletanan desaroya y representa Aruba internacionalmente, nos ta contribuyendo na un base mas fuerte pa Aruba briya riba escenario internacional.”

   Guardian Group ta desea tur e atletanan y staff di Comite Olimpico Arubano tur clase di exito durante e preparacionnan pa weganan olimpico 2028 na Los Angeles.