Caso di hit & run a caba den agresion

ORANJESTAD (AAN): Diahuebs anochi laat polis a bay Kamerlingh Onnesstraat despues di un incidente di hit & run cu a wordo reporta.

Na ora cu agentenan a yega na e sitio, nan a haya un auto marca Renault cu daño material significativo. E chauffeur tambe tabata mustra señal cu el a haya maltrato durante e incidente.

Segun relato di e victima, un otro auto cu tabata bayendo na velocidad halto a bay dal contra su auto. Despues di e boksmento, un of mas persona cu tabata den e auto a baha y a agredi e chauffeur.

Prome cu polis a logra yega na e luga, e sospechosonan a subi bek den nan auto y a huy. Autoridad a aconseha e victima pa formalisa un denuncia na departamento di recherche pa sigui investiga e caso.