Scol Basico Xander Bogaerts ta yuda tur mayor cu no por haci inscripcion online

ORANJESTAD (AAN): Entrante Dialuna 12 di Januari 2026 te cu 16 di Januari 2026, por inscribi pa Aña Escolar di 2026-2027. 

Esaki ta socede via sistema online, y esaki ta inclui Scol Basico Xander Bogaerts.

   E scol aki situa na San Nicolas, y nan a pone nan mes disponibel pa asisti tur mayor pa haci e inscripcion, y esaki lo socede na scol mes.

   Esaki lo ta di 12 Januari te cu 16 Januari, for di 9:00 am te cu 12:00 pm na e scol mes.

   Pa haci esaki, bo mester bin cu e Zorgpas di e mucha, of prueba di Aseguro priva.  Tambe tin di bin cu e Papel di Uitreksel di 5 Florin di e mucha.  Tambe tin di bin cu e suma di 150 Florin di schoolgeld.

   Ciudadanonan cu si kier haci esaki online, por haci esaki na e website:

www.bit.ly/auascol

   Corda cu e scol ta ofrece Traimerdia tambe.  E adres di Scol Basico Xander Bogaerts ta Trinitariastraat z/n.