Ministro Wever y Aduana a haya solucion urgente pa asina Bispo di Pasco a saca containernan frieu

ORANJESTAD (AAN): Riba Bispo di Pasco, por a mira toch varios comerciante a yega na importadornan di productonan (e.o. fruta y berdura frieu) cu a yega Aruba den container. 

Y si acaso Ministro no a core actua, e chens ta grandi cu nan lo no por a wordo saca di Waf di Barcadera na tempo.

   Loke a socede:  Ta asina cu Ministro Geoffrey Wever a tuma nota di preocupacion cu a reina cerca e importadornan tocante e situacion unda cu e unico compania cu ta provee Aruba cu mercancia ta confrontando problema logistico.

   Mesora Ministerio di Wever a dicidi di reuni cu representantenan di Aduana.  Den e consultanan di emergencia aki cu expertonan di Aduana, a cay e decision urgente pa Aduana dal bay y acepta e “Bill of Lading” (BOL) skirbi na man, cu un stempel, pa asina Aduana por calcula e gastonan y impuestonan corespondiente pa e mercancianan cu mester drenta Aruba.

   Ademas di e decision di emergencia aki, Aduana a dicidi na habri portanan di Waf net riba Bispo di Pasco, esta dia 24 di December entre 9:00 am cu 3:30 pm, pa asina importadornan por saca containernan frieu.

   Ministro Geoffrey Wever a keda contento cu e solucion di emergencia aki.  “Mi ta gradici Cuerpo di Aduana pa nan cooperacion y profesionalismo pa trece un solucion rapido pa e desafio cu a surgi.”