Docentenan na Colegio Arubano lo bay duna les awe solamente bao cierto condicion

ORANJESTAD (AAN): Aunke e tabata un dia liber, toch riba Diamars mainta, e maestronan di Colegio Arubano, a reuni cu otro na sede di Sindicato Simar pa asina fiha un posicion. 

   DIARIO a compronde, cu e korps di docentenan a escoge pa re-anuda trabao awe Diaranson 26 di januari 2022 pa garantisa continuacion di enseñansa maske cu nan ta sinti nan mes intimida.

   Pero nan lo duna les awe solamente bao di e siguiente condicionan:

   Condicion 1:  Docentenan kier pa e Directiva completo di SVOA (Ernesto Rosenstand, Mariska Dania, Juancho Pilongo, Patricio Nicolaas y Giacomo Petrocthi) y coach (Jalken Antonia) mester abstene di subi tereno, pa garantisa e siguridad propio y  paz mental di e korps di docente.

   Condicion 2: Nan exigencia cu ta poni den e carta fecha 18 januari 2022 dirigi na directiva ta keda vigente.

   Maestronan lo presenta awe Diaranson na pia di trabao pa brinda nan alumnonan, e oportunidad pa finalisa nan pruebanan (CP/SE).

Pero mester acentua si cu ta presenta na trabao bao di protesta y e situacion ta keda critico.

   Segun Sindicato Simar, nan lo keda vigilante pa tur cos.