Rolande a gana e jackpot di Lotto di Dia

ORANJESTAD (AAN): Tabata Diahuebs dos siman pasa, cu tabatin un solo ganador cu a bay cu e jackpot di Lotto di Dia.

   A resulta cu e ciudadano Rolande tabatin e ticket cu e numbernan 02, 06, 07, 20, y 25.  Y recientemente el a presenta na oficina di Lotto na Playa pa reclama su premio.

   Aki mesora e funcionarionan di Lotto a revisa e ticket, y ora di a check e barcode, e computer a confirma mesora cu el a gana e jackpot di 52.000 Florin cu Lotto di Dia.

   Mesora a sigui cu e proceso pa transferi e premio electronicamente pa su cuenta di banco.  Rolande a relata cu e ticket ganador mes el a cumpra na Nasett Lottery na San Nicolas.