Grupo Flor di Brasil ta bek cu su eventonan bunita

ORANJESTAD (AAN) —E grupo di grandinan Flor di Brasil a reanuda su actividadnan for di Januari ultimo, bayendo poco, poco pero cu hopi entusiasmo.

Asina e dama boluntario Lourdes Stamper a duna di conoce na DIARIO. Nan ta tene nan mes na e reglanan di DVG y te cu aworaki, tur cos ta bayendo bon y e grandinan ta super feliz cu nan por tey atrobe.

Diaranzon cu a pasa nan tabata tin nan bingo, manera tur siman, y a celebra e hacimento di aña di Francisca Maduro, cu a parti bolo cu tur e clientenan.

Nan a celebra Dia di Mama den un ambiente masha dushi mes, dos persona so a bin anima nan cu musica, manera e reglanan di protocol. Y pa otro luna lo celebra Dia di Tata. Despues di Dia di Tata nan lo celebra Dia di Dera Gai, pa despues cera cu vacacion, te Augustus, Lourdes a duna di conoce.