Mas di 2.600 manifestacion a tuma lugar na Venezuela durante prome cuatro luna di 2022

ORANJESTAD (AAN): Den prome cuatro luna di 2022 a registra 2.677 manifestacion na Venezuela,

cifra cu ta indica un aumento di 28 % den comparacion cu mesun periodo di 2021, cu a registra 2.054, segun datonan difundi pa Observatorio Venezolano di Conflictividad Social (OVCS).

E cifra di manifestacionnan registra entre Januari y April di 2022 ta ekivalente na un promedio di 22 manifestacion pa dia alrededor di e pais. E organizacion a agrega cu, di e total, siete di cada dies protesta tabata relaciona cu exigencia di derechonan economico y social.

E organizacion a asegura, ademas, cu e indice di manifestacionnan protagoniza y organiza pa trahadornan a aumenta.

Nan a indica cu entre lunanan di Januari, Februari, Maart y April, nan a registra 1.012 protesta laboral, cifra cu a supera manifestacionnan relaciona cu servicionan basico, of otro malestar cu Venezolanonan ta subi caya pa protesta.