Utilities Aruba a mustra cu nan lo kier construi parke nobo di biento na Rincon

ORANJESTAD (AAN): Recien a sali e aviso den DIARIO di e solicitud pa expresion di interes pa companianan interesa den generacion di energia di biento na Aruba.

   Segun Utilities Aruba NV, e Request for Expresion of Interest (EOI) ta pa construccion di un parke di biento na Rincon y pa suministro di energia di biento “Power Purchase Agreement /PPA” na Aruba.

   Utilities Aruba NV ta accionista di Water-en Energiebedrijf Aruba N.V. (WEB), cu ta responsabel pa generacion di energia y produccion di awa na Aruba, y ELMAR, responsabel pa distribucion di coriente.

   Metanan di e plan: Aruba tin como meta pa logra e nivel di zero pa cu e emision di Greenhouse Gas (GHG) pa aña 2050 y asina  cumpli cu e acuerdo ‘Paris Agreement’. Pues, e meta ta pa depende mas riba energia renobabel como e fuente principal di energia den tur area/sector.

   Utilities Aruba ta invita desaroyadornan experiencia y cualifica pa expresa nan interes y demostra nan capacidad na:

  (1) Diseña, construi, instala, posee, opera y mantene e ‘Parke di Biento’ (Wind Farm), instala na e area designa na Aruba.

  (2) Realisa benta y compra di energia na Utilities Aruba Group, durante un periodo di suministro te cu 15 aña.

   Registracion pa participa: Pa mas informacion di con pa participa den e proceso EOI, por fabor bishita:

www.bit.ly/molina-rincon

   DIARIO a compronde cu Notaris NewLeaf Aruba lo ta encarga pa registra tur participante. Fecha y orario final pa entrega propuestanan lo ta dia 1 di october 2022, 8:00 am, ora local di Aruba.