Asina a celebra e di 58 aña di Dia di Portugal

ORANJESTAD (AAN): Den fin di siman a observa e hecho cu esaki ta di 58 aña cu ta celebra Dia di Portugal, Dia di Luis Vas de Camoes y Dia di Comunidad Portugues rond mundo na Aruba.

   Portuguesnan ta conoci di ta hende cu ta traha duro y lucha te na final. Nan a contribui na economia di Aruba den añanan ‘60, ‘70, ‘80, ‘90 y te cu dia di awe. Tambe nan tabata conoci pa haci trabaonan duro y hopi pisa.  E Portuguesnan tabata busca un futuro pa nan mes y nan famia y no tabata importa e trabao. Pa nan tabata mas importante e dignidad di por tin un trabao y cu un dia nan lo logra.

   Diabierna cu a pasa tabatin un Sacrificio di Misa na Dakota.  Riba Diasabra anochi a tene un Fiesta Cultural Folclorico na Club Primavera.  A haci esaki cu Banda Musical Primavera, y tabatin cuminda tipico tradicional Portugues, manera Bacalhao y nan Espetada a Poruguesa.