Colegio San Antonio a treat werksternan un dia na spa

ORANJESTAD (AAN): Un gesto fenomenal ta loke directiva di Colegio San Antonio MAVO na Santa Cruz a haci siman pasa Diabierna. 

E dia ey, e werksternan di e scol no mester a traha.  Pasobra mainta esnan di e scol a sorprende nan na trabao, cu un “Dia di Descanso Total” na Blue Waters Spa.

   Esnan di Colegio San Antonio tin hopi aprecio y gratitud pa señora Ana, Nery, y Ruth.  Nan ta cuida e scol cu hopi amor y dedicacion, y pesey nan a haya un dia di relaha y alimenta nan curpa cu hopi vibe positivo.  Nan a keda hopi contento cu e regalo aki.