ORANJESTAD (AAN): Diaranson 27 di april 2022, Museo Cas Tan Tin na Pos Abao 19 ta tene e feria crioyo dedica na Dia di Rey 2022.
E ta un dia di famia for di 12:00 pm te cu 9:00 pm. Tin wega pa mucha, tentnan di cuminda tipico, hopi musica, baile y benta di mata, buki, boca dushi, souvenir, facepainting, juice di tamarijn y e splicacion di e bida y costumbernan den Cas Tan Tin.
Den e 20 tentnan lo tin cuminda tipico manera cabrito-, galiña-, papaya stoba cu pan bati, sopi carni y galiña. Tambe boca dushinan bolo, cuki, tert y e famoso frio den 4 sabor. Algun wega pa mucha cu tin ta competencia di auto Matchbox, grabbelton, sjoelbak, tira bleki y mas.
Musica ta den man di Robert Maduro y banda Azucar, Caha di orgel “El Diamante”, John Paul Rapista, Reno Steba y banda, Gucci Dancers. Fundacion Mi Cutisa, conoci pa su eventonan dushi y unico, ta invita Aruba pa celebra Dia di Rey 2022 cerca nan.
Related News
Minister Geoffrey Wever confirma cu entradanan den 2025 ta mas halto cu 2024
Biblioteca Nacional ta celebra 30 aña di e Festival di Buki pa Mucha
Elvis Weert a apela su condena di 9 aña di prison pa a abusa di un mucha y haci 2 abortus
