Dak di Biblioteca Nacional na San Nicolas den hopi mal condicion y murayanan mancha

ORANJESTAD (AAN) -- Pasa banda di Biblioteca Nacional Aruba su filial na San Nicolas, ta yena bo di tristeza ora di lanta bista un tiki, y topa cu un dak den hopi mal condicion, y murayanan tur mancha.

Esaki ta refleha cu ainda tin diferente edificio publico cu brinda servicio na e comunidad, cu no ta hayando mantenimento. E biblioteca, cu ta un lugar relaciona directamente cu estudio, educacion, conocemento, investigacion, lesamento, etc., merece di haya su debido atencion.

Ta spera cu autoridadnan concerni por tuma nota di esaki y e mal bista cu ta proyecta.