Minister Endy Croes a presencia final di Copa Francisco “Bubeis” Gomez Liga 50

Pabien na ekipo di Surprise Softball team cu a titula campeon di e torneo. 

ORANJESTAD (AAN): Diadomingo ta un dia cu Minister di Deporte Endy Croes ta core rond di Aruba pa bishita e diferente eventonan deportivo cu ta tuma luga. Diadomingo ultimo e mandatario tabata na veld di Maria Mai pa presencia e wega final di Liga 50 e di tres Copa Francisco “Bubeis” Gomez organisa pa Astros Softball Organization. 

            Sigur e mandatario a topa y saluda masha hopi amistad y por a tuma nota cu ekipo di Surprise Softball team ta “knock out”  Tanki Leendert Softball team den ora di mainta pa pasa pa final. Ekipo di Surprise Softball team a “knock out“ Sunrise Stingers den final pa conkista e titulo di campeon. 

            Palabranan di pabien na tur ekipo cu a participa y haci e torneo uno exitoso y sigur pabien na e ekipo campeon. Masha pabien na Tula van Heyningen cu a bay cu e premio di “MVP”.          Concluyendo Minister Endy Croes ta felicita Astros pa organisa e di tercer Copa Francisco “Bubeis” Gomez. Cu disciplina, deseo, dedicacion y determinacion sigur ta logra bo metanan.