Cifranan di AHATA:
ORANJESTAD (AAN): Aruba Hotel & Tourism Association (AHATA) tur luna ta acumula e cifranan di ocupacion y prijs di hotelnan. Den e cifranan di october, Presidente y CEO di AHATA, Tisa LaSorte, ta nota cu e patronchi ta continua cu ocupacion abao den camber pero logrando un RevPAR positivo ainda.
Den e ultimo aña, e cantidad di camber a crece mientras cu e cantidad di huesped cu ta scoge pa keda na hotel no a crece. Gerencia di hotel ta sigui priorisa calidad y atrae turista cu ta gasta mas na Aruba, cobrando prijsnan mas halto pa mantene un entrada stabil.
Grado di ocupacion na hotel na october tabata 69% so, cual ta 9% menos cu aña pasa. RevPAR (entrada pa camber disponibel) a crece cu 4% na $241.67. Door di cobra un prijs mas halto, e hotel ainda por mantene un nivel di entrada cu ta sostene empleo, inversion, gastonan creciente, y entrada pa e inversionista.
E proyeccion actual pa ocupacion promedio di hotel na 2025 ta 77%, cual ta 5% menos cu grado di ocupacion na 2024.
Related News
Viaheronan for di Bonaire of Corsow cu ta vacuna no mester haci PCR Test pa drenta Aruba
Dia 18 di juni Conseho di Minister di Reino lo dicidi si Aruba haya e di tres tranche of no
Como Haitiano semper ta sinti cu Aruba ta nos cas y semper ta biba den harmonia
