Zahira a gana bon placa cu wega di Zodiac

ORANJESTAD (AAN): Un di e popular weganan di Lotto keto bay ta Zodiac. 

Aki bo ta escoge un number consistiendo di cuatro cifra, bo ta agrega un signo zodiacal, y bo ta cla den wega.

   Esey ta loke Zahira a haci tambe, y a keda feliz notando cu el a gana.  Pesey riba Diamars el a acudi na oficina di Lotto pa asina reclama su premio.  Aki el a duna nan su ticket, cu parti patras el a pone su firma, y tambe number di cuenta di banco.

   Ora di a scan e barcode den e computer, esaki a confirma cu Zahira a gana e suma di 12.500 Florin cu e wega di Zodiac Merdia.

   Mesora a cuminza cu e proceso pa transferi e premio electronicamente pa su cuenta di banco.

   Zahira a splica cu e ticket ganador mes el a cumpra na Tele Uno 2.