Venezolanonan lo mester $2500 pa solicita visa mexicano

ORANJESTAD (AAN):  E venezolanonan cu kier viaha pa Mexico, pa obtene nan visa cu diabierna 21 di Januari Mexico lo cuminsa exigi,

lo mester prueba cu nan tin inversionnan of depositonan den nan cuentanan c'un minimo di $2500.

Esaki ta nifica mustra un comprobante di inversionnan of cuentanan bancario cu saldo promedio mensual ekivalente na 300 dia di salario minimo general vigente na e Distrito Federal pa e ultimo tres lunanan, asina a indica e website oficial di e Embahada di Mexico na Venezuela.

Esaki sigur ta bira un proceso mas dificil pa e venezolanonan cu  no ta cay den e condicionnan aki pa por drenta Mexico aunke sea pa algun dia di vacacion.