Varios integrante di Fraccion di MEP di e constelacion 11 a dispidi di Parlamento

ORANJESTAD (AAN):   Diamars e parlamentarionan di Fraccion di MEP, di e constelacion number 11,

Setty Yarzagaray, Alvin Molina, Marco Berlis, Ricky Hoek, Darlaine Guedez Erasmus y Arthur Vallejo, a despedi di Parlamento.     

            Den nomber di partido MEP, Prome Minister demisionario, Evelyn Wever-Cres, a gradici nan. "Nan a haci un tremendo trabou den Parlamento. Semper bon prepara, tin biaha cu decisionnan dificil pero importante pa Pais Aruba y vociferando nan puntonan cla y raspa, y semper na e nivel respetuoso cu nos di MEP ta para pe.

            Nan tabata un tremendo fraccion den Parlamento. Mi ta hopi hopi orguyoso di nan. Un biaha mas DANKI pa e trabou grandi y incansable", asina e mandatario a finalisa bisando.