Den dos entrada hudicial
ORANJESTAD (AAN): Unit Narcotica a sigui cu nan trabaonan incansabel contra criminalidad y durante un investigacion extenso, a haci un entrada hudicial na dos adres. Den oranan di mainta, e agentenan a bay na un cas situa na Caya Tumba y otro na Turibana.
Durante e accion hudicial, agentenan a detene 4 hende homber, di cual tur ta local, como tambe a confisca droga, placa, municion y 4 arma di candela.
Segun informacionnan di Cuerpo Policial, e caso aki ta den pleno desaroyo y investigacion y por tin mas detencion na caminda.
Manera semper, Cuerpo Policial ta pidi cooperacion di comunidad pa por resolve mas caso, y ta pidi si bo tin cualkier informacion yama tiplijn di Polis 11141. Nan ta garantisa cu bo ta keda anonimo.
