Turista Mericano (65) a bira malo y a fayece na Boca Catalina

ORANJESTAD (AAN):  Diahuebs mainta, algo despues di 9’or, autoridadnan a haya un melding relaciona c'un caso di hogamento na Boca Catalina.

            Segun informacion oficial, un turista Mericano di 65 aña a bira malo mientras cu e tabata den lama. Segun testigonan, e homber a cuminsa tosa repentinamente, y nan a bisa cu e tabatin problema di salud.

            Esnan cu tabata cerca a trata di yuda y a trece e homber na tera. Mientras nan tabata wardando ambulance, nan a cuminsa duna CPR na e turista, tratando di reanima su curpa.

            Paramediconan cu a yega rapidamente na e sitio a tuma over e situacion, pero lamentablemente, no tabata por haci nada mas pa e turista. Un dokter a wordo solicita, y dokter di polis, Sra. Dr. Pauline, a yega pa oficialmente constata e fayecimento.

galleryTurista Mericano (65) a bira malo y a fayece na Boca Catalina/gallery