Turista di Pennsylvania cu gusta Aruba a fayece recien

ORANJESTAD (AAN): Informacion procedente di Lancaster na Pennsylvania,

ta indica cu e turista Karen Lee Stoltzfus a fayece na comienso di luna aki na su cas.  El a fayece cu 61 aña di edad despues cu el a perde bataya contra cancer.

   El a bay laga atras su casa Michael Stoltzfus, y un yiu muher Samantha.  Karen tabata un amante di musica, y ta cantante alavez.  E tabata gusta bay mira caredanan di auto Nascar, adora team di Miami Dolphins y Baltimore Orioles.

   Y e tabata viaha hopi, y su lugar faborito tabata Aruba.  E tabata traha den media, como consehero pa Lancaster County Magazine, y tambe a traha den benta pa e famoso Clipper Mag, Napa, y Identicard.

   Su amor pa viahe a bin desde cu e ta chikito y su famia tabata gusta viaha.  Su tata mes tabatin un avion, y nan tabata bula cune pa Vermont pa bay sky durante winter.

   Su entiero lo bay ta dia 4 di Januari 2025 na pueblo di Lilitz, na Pennsylvania.