ORANJESTAD (AAN): Durante luna di Juli por a mira con e cantidad di turista yegando Aruba a crece asina hopi, te cu rijnan a cuminza forma tanto na yegada, como salida bek na Aeropuerto.
Y esey no ta socede djis den fin di siman, pero tambe durante siman. Awor Aeropuerto ta recomenda esnan cu ta bayendo Merca, pa acudi por lo menos 4 ora prome cu bo vuelo pa asina bo ta sigur cu bo ta na tempo.
Aruba su turismo ta recuperando y tur hende por nota con diferente compania envolvi cu turismo, specialmente esnan cu directamente ta gana nan placa cu turista, ta contento cu esaki.
Pero mescos cu e ta drecha, e por cay bek den otro, si acaso no tene cuenta cu loke algun mente maligno ta keda haci na Arashi, Boca Catalina, y tambe Eagle Beach, pues pa horta pertenencia di nos turistanan riba beach, of for di nan V-auto staciona na banda.
Suplica na ciudadanonan, si bo mira algo sospechoso, por fabor saca potret cu bo smartphone y purba saca potret di e auto tambe den cual e delincuentenan ta huy.
Related News
Groove Master a resulta ‘The Band of the Year’
Tur esnan cu ta bende cuminda riba caya mester tin carchi di salud valido
Nuebe chauffeur gara ta core burachi despues di Parada Grandi di Carnaval
