The content originally appeared on:
Diario
Sue Lee, Dean:
ORANJESTAD (AAN): Dean di Universidad di Aruba Sue Lee, a duna di conoce cu aworaki cu Aña Academico 2024-2025 a inicia y el a trece dilanti e desaroyonan cu ta tumando luga actualmente.
El a bisa cu nan ta cuminsando e aña aki cu hopi studiante nobo. Tin rond di 360 studiante nobo pa e parti di Bachelors/Masters y tambe Academic Foundation Year (AFY) caminda tin casi 100 studiante.
Esaki ta mustra cu e interes tey pa e parti ey di AFY, cu e preparacion pa cuminsa e carera academico.
Universidad di Aruba tin mas programa pa ofrece manera den e area turistico cu Hospitality & Tourism, Ley, Governance & Management, tambe SISSTEM, Trabao Social y nan ta ampliando nan programanan di locual nan ta ofrece riba e nivel di Bachelor, pero tambe Masters, Lee a indica.
El a sigui bisa cu tin MBA, SISSTEM, Leadership & Governance, Ley, etc. Universidad di Aruba ta keda wak kico ta e demanda eyfo den comunidad pa asina tambe purba di sigui e trend y ofrece locual cu por acerca UA mas cu comunidad.
