Tin demanda enorme pa propiedad riba caretera principal pa nos hende local

Cas of Tereno:

ORANJESTAD (AAN):  Oportunidad pa yega na un acuerdo pa yudabo cu bo Taxatie Rapport, pa evalua balor di bo propiedad.  DIARIO ta sigi haya detayenan hopi importante relaciona cu e mundo di real estate na Aruba, specialmente pa nos local nan.

   Hopi ta e local nan cu ta en busca pa cumpra  tereno of cas (den cualkier estado), cu ta riba caminda grandi (conoci como highway).

   E conocido Eva Wever, kende ta hunto cu Bold Properties a duna di conoce den entrevista cu DIARIO cu tin hopi hende local buscando propiedad asina, pasobra nan kier inverti.

Esaki ta e momento pa inverti, sea cu bo ta bende pa traha algo mas rentable. Of bo ta cumpra pa bo inversion nobo. Esaki ta e temporada ideal.

   Desde aña pasa December te cu April 2025, Aruba a drenta den e temporada di ‘high-season’ di real estate y esaki ta e momento pa cumpra of bende bo cas, of un tereno. Pesey mes esaki ta e momento pa haci e decision aki.

     Pa e local cu den 2025 e kier cuminsa traha riba su mesun propiedad, ta hopi recomendabel pa e por presenta 10% di su mesun inbrengst (deposito). Esta diez porciento di e valor di e propiedad. Di e forma aki banco ta mas flexible cu e financiamento.

   Tin un demanda grandi, tanto pa tereno como pa cas, y e por ta un "fixer-upper" tambe.

Demanda ta grandi tur parti di Aruba, pero en especial e area di Hospital, Keito, Shaba, Bubali, Palm Beach, Noord y Westpunt  ta keda hopi grandi.

    Basta local tin interes tambe den cercania di naturalesa y mas secluded. Area nan mas pafo manera Santa Cruz, Sero Pita, Matividiri, pa inverti den cas propio.

   Mirando e desaroyo aki por bisa cu esaki ta e momento pa e localnan, Eva Wever a duna di conoce. El a agrega cu tambe por yega na un acuerdo pa yudabo hasi bo Taxatie Rapport, tambe por yudabo cu inspeccion, busca bo papel nan di DIP y tur requisito, sin costo adicional.

   Pa tur esaki, y mas informacion por contact Eva Wever.  Si bo kier bende of cumpra un propiedad, laga nos guiabo y yudabo hasi bo soño realidad den aña 2025!