Ta importante pa informacion riba Fundacion Kapel di Bethania ta accesible pa tur hende

*riba 27 di April muchanan por disfruta di weganan tradicional

ORANJESTAD(AAN): Riba 27 di April Dia di Rey Museo Arqueologico Nacional Aruba y Fundacion Kapel di Bethania ta bay organiza un dia special na Klooster di Imeldahof, yena cu actividad.

Durante un conferencia di prensa Suzy Boekhoudt di Museo Arqueologico a duna un splicacion riba fundacion di Kapel di Bethania.

Boekhoudt a splica cu ta trata di un fundacion hoben di 2 aña di existencia.

“E fundacion a wordo lanta pa rescata e Kapel di Bethania, cu ta un Kapel unico cu nos tin na Aruba, den su originalidad”.

Door di esey tambe a haya hopi informacion di Parokia di Noord y nos kier a haci e informacion aki accesible pa publico, pa asina publico haya sa mas di esaki.

Principalmente informacion riba e Soeurnan cu a biba akinan den e Klooster di Imeldahof, segun Boekhoudt.

El a sigui bisa cu Soeurnan a haci hopi no solamente pa Noord, sino tambe pa henter Aruba.

No solamente den e parti religioso, sino tambe den e parti educativo y social y esey ta algo cu e fundacion kier mantene pa Aruba, segun Boekhoudt.

El a splica cu e fundacion ta bay tin su bar y cushina, mientras cu ta bay bende un carchi di actividad pa recauda fondo pa e fundacion.

Ta bay tin weganan tradicional tambe pa mucha, manera bulamento den saco coremento cu cuchara cu lamunchi y mas.