The content originally appeared on:
Diario
Director di SVb Edwin Jacobs a splica:
Sin perhudica su peticionnan di permiso
ORANJESTAD (AAN) – Den entrevista cu DIARIO, director di SVb Edwin Jacobs, a elabora tocante un aspecto hopi interesante, unda cu den combersacion cu Ministerio di Labor, a pidi pa kizas un periodo, duna un dispensacion pa un persona por tin permiso pa traha den compania A, y compania B, sin cu esaki perhudica su peticionnan di permiso.
A ser treci dilanti, cu si acaso cu esaki bira realidad, ambos compania tin cu registra e trahado, pa si algo pas’e na pia di trabao e ta asegura. “Solamente cu ora e persona bay DIMAS pidi prolongacion di su permiso, y e wak cu e ta registra na dos compania e lo bise cu no por, pasobra conforme ley, enberdad bo tin cu traha na e compania cu e ta registra na dje”, Jacobs a señala.
Tampoco un trahado domestico por traha pa un compania, pero pa un cas. “Pero aworaki cu tin hopi tension debi na hopi demanda di trahado, y no tin suficiente trahado, e demanda aki ta bay sigui aumenta, y ta bay bira mas agudo tambe”, director di SVb a señala.
Señor Jacobs a aclarea cu Gobierno no a tuma un decision ainda riba e peticion haci na e Minister, pa duna dispensacion pa traha den dos compania, pero esaki ta algo di maneho y kizas por duna dispensacion pa un periodo limita.
