Stichting Eliezer ta sigur cu na Aruba mes por logra hopi y placa ta keda draai na Aruba mes

​

Si tur stichting ta traha hunto pa trata y preveni adiccion:

ORANJESTAD (AAN) – Gino Frans, di Stichting Eliezer, den entrevista cu DIARIO a señala, cu pa prevencion di adiccion, mester hinca hopi placa, pero si tur stichting ta traha hunto, por logra hopi.

“Si bo hinca mas placa den prevencion, lo no bay haya e hendenan riba caya. Mi ta kere cu esey ta algo pa Fundacion Anti Droga Aruba (FADA).

Mi ta mira hopi accion cu nan ta haciendo, nan  ta trahando bon, pero mi ta kere cu mester bin mas actividad, mas agresivo. Mescos cu e personanan ta bira agresivo riba caya, nos cu tin e trabao aki den nos man mester bira agresivo den ayudo, den prevencion”, Frans a indica.

See also

Local News

Diasabra tabata un dia increiblemente druk na Aeropuerto

E ta di e pensamento cu na luga di manda placa afo. Paga un instancia afo pa e adictonan haya tratamento, tin un bentaha. E clientenan no tin placa, nan ta cera den un lugar cu nan no conoce, nan por huy, nan ta gara nan bek. Pero na Aruba nos tin otro problema, nan por huy nan ta bay pasobra e caya t’eynan mes. Anto esey ta e bentaha ora di manda nan afo, pero mi ta kere cu si nos tin un lugar na Aruba cu tur stichting, manera ta bayendo den bon direccion aworaki, traha hunto manera e palabra bisa (Stichting Hunto) nos ta bay logra cu nos pais lo no mester manda hende afo mas, y e placa ta keda lora na Aruba mes. Bo ta paga trahado y muchanan di EPI cu ta cu ta cabando scol y por haya un trabao cu nos”, Gino Frans a señala.