SKOA ta splica riba e beneficionan di educacion ‘Prisma’

ORANJESTAD (AAN): Fundacion SKOA ta keda enfoca pa sigui brinda e programa di Prisma na nos muchanan pa asina yudanan domina e lenguahe Hulandes cu ta hopi importante den nos sistema di comunicacion.

   Loke e programa aki ta: Prisma ta un programa di preapracion pa muchanan cu no ta domina e lenguahe di Hulandes. E ta un programa di 1 aña cu ta prepara muchanan pa nan por integra den scol regular exitosamente caminda Hulandes ta e lenguahe primario den e curiculo. E programa di Prisma ta evalua tambe e desaroyo academico a base di cada mucha su prestacion di siñamento y tambe nan desaroyo social - emocional cu ta importante pa nan crecemento en general.

   Si bo ta interesa pa inscribi bo yiu na e programa di Prisma por haci esaki na e siguiente forma:

   Por aplica via website www.skoa.aw pa asina inscribi completamente online. Bay ariba e website y click ariba inschrijven y despues scoge pa Prisma. Di eynan mester sigui e instruccionnan riba e website pa completa e aplicacion di cada mucha. Si tin duda con pa inscribi via nos website por pasa libremente na nos oficina di SKOA situa na Copernicusstraat 11, Aruba durante orario di oficina entre 8:00 am pa 12:00 pm, y di 2:00 pm te cu 4:00 pm.

   Por haya mas informacion ariba nos website www.skoa.aw y tambe por yama nan directo na (+297) 523 1800 durante orario di oficina