ORANJESTAD (AAN): Diaranson e 7 atletanan di Stingray a beneficia di un sesion extra di entrenamento na
Davie Pine Island Fitness & Aquatics Center hunto cu Elite Coach di Team Azura Sr. Gustavo Rasia. E entrenamento tabata e preparacion final prome cu e competencia di landamento Short Course den yards, cu ta tuma lugar na Plantation, Fort Lauderdale, na Merca.
Riba Diahuebs, e landadonan sumamente motiva di Stingray Swimming Team a presencia e apertura oficial di 35 edicion di e campeonato anual di Invierno, 11 pa 14 di December 2025 bou guia di Coach Paolo Inocencia. Awe tur landado ta preparando ansiosamente na Plantation Aquatic Complex pa asina nan por ta mentalmente prepara pa representa Aruba den gran forma.
Mas di 1200 landado lo participa na e evento aki cu ta wordo considera un swim meet hopi importante pa nos landadonan Arubano. Di aki banda nos ta desea tur hende hopi exito, y pa haci Aruba orguyoso!
Esnan cu a cualifica pa Plantation ta pa grupo Masculino:
Xendrick de Man (16).
Tyler Richards (16).
Landon Laaf (22).
Yeshua Maduro (15).
Pa e grupo Femenino tin:
D-Leylah Gerrel (14).
Vitali Inocencia (12).
Emma Ponson (12).
Stingray Swimming Team ta desea su 7 landadonan tur clase di exito y conkista tempo y medaya pa team y Aruba.
