The content originally appeared on:
Diario
STEPS 2023 cu resultado di investigacion riba uzo di remedi
ORANJESTAD (AAN): Den aña 2023 Departamento di Salud Publico den colaboracion cu WHO/PAHO y Central Bureau of Statistics (CBS) a organisa un investigacion Nacional cu a carga e nomber di STEPS 2023.
Meta di STEPS 2023 tawata pa colecta informacion valioso riba salud di nos comunidad di forma cu organisacionan encarga cu maneho di salud publico por ricibi un bista actual di e salud di nos poblacion pero tambe conoce e factornan di riesgo cu por conduci na malesanan cronico. Conociendo e factornan di riesgo aki e diferente organisacionan lo por traha riba manehonan nobo mas dirigi riba mehoracion di e salud di nos hendenan.
Resultado di STEPS a conclui cu 60% di personanan cu ta sufri di malesanan cronico manera presion halto, diabetes, of cholesterol halto ta tuma nan medicamento manera dokter ta prescribi. Mientras cu 30% ta scohe pa recuri serca curandero natural y ta haci uzo di unicamente medicina natural of combina cu medicina prescribi.
Uzo unicamente di medicina natural cerca personanan cu tin diabetes, presion halto of colesterol tin biaha por conduci na complicacionan serio manera ataca di curazon of problema di rion.
E ora a yega pa nos dal e paso pa nos salud y “cambia nos habitonan” abo ta cla p’e?
