Scol ta cuminsa bek riba Dialuna 6 di Januari 2025

ORANJESTAD (AAN): Dos lector a yama puntra DIARIO, si acaso tin scol e siman aki ainda.  Nan yiu mes aparentemente no sa.

   Hecho ta cu Departamento di Enseñansa a stipula cu henter e siman aki ta cay bao di vakantie di Pasco y Aña Nobo.  Pues e lo termina Diabierna 3 di Januari 2025.

   Esey nifica, cu e prome dia di scol oficialmente na Aruba lo bay ta Dialuna 6 di Januari 2025.  Pues studiantenan tin par di dia mas di descanso, y esnan cu ta den Examenklas esaki ta chens unico pa usa e tempo pa studia tiki extra.

   Despues di esaki, e siguiente dia liber pa alumonan lo bay ta Diabierna 24 di Januari 2025, pues un solo dia, pa conmemora Dia di Betico (cu lo cay riba Diasabra).