Santo Sacrificio di Misa pa observa 200 aña di Independencia di Peru

ORANJESTAD (AAN): Diaranson anochi, tanto Guillermo Salina cu ta president di Fundacion Fiestas Patrias Peruanos na Aruba,

y tambe vice-presidente Teresa Livaney Lujan, tabata satisfecho cu e anochi solem y santo sacrificio teni relaciona cu e Bicentenario di Independencia di Peru.

   Peru a observa e di 200 aniversario cu nan a haya Independencia.  Mainta esaki a wordo observa cu un ceremonia di hisa bandera riba Wilhelmina Park.

   Anochi tabatin un santo sacrificio di Misa na Pro-Catedral San Francisco na Playa.

   E tabata un dia special pa comunidad Peruano residente na Aruba.   Y nan a organiza diferente actividad den siman aki y nan ta contento cu comunidad di Aruba cu a coopera inmensamente cu nan eventonan, incluyendo un actividad gastronomico unda e Arubianonan a keda encanta cu cuminda di Peru.