Retiro oficial di Glenbert Croes como Ministro

ORANJESTAD (AAN): Riba Diabierna 11 di October 2024, Gobernador a tuma e decision oficialmente pa retira señor G.F. Croes for di su funcion di minister.

   E decision pa retira minister Croes a worde tuma despues cu el a pidi esaki di acuerdo cu articulo 17, sub b, di e Ordenansa Nacional pa Integridad di Ministernan.

   Reaccionando riba e carta cu Gobernador a manda dia 9 di oktober 2024 pa Presidente di Parlamento, den cua a pidi (segun Constitucion ta prescribi) opinion di Parlamento, Parlamento a bay di acuerdo cu e retiro di minister Croes.

   Gobernador a dicidi tambe di encarga señor R.G. Tjon, minister di Husticia y Asuntonan Social cu e maneho y responsabilidad di e ministerio di Labor, Energia y Integracion.