RCA a gana Nacional 4-2

ORANJESTAD(AAN):  Recientemente den un bunita wega den Division Honor RCA a logra gana Nacional 4-2.

Despues cu den di 7 minuut Jhon Silva a anota e 1-0 pa RCA, Belzuis Pudens den di 9 minuut a contesta, anotando e 1-1 pa Nacional.

Sinembargo, apenas 1 minuut despues di esey Silva a anota un biaha mas pa pone  score 2-1 na fabor di RCA.

Ora cu den di 32 minuut Devis Oliveros a anota un penalty pa pone e score na 2-2 Nacional a haya speranza di logra un bon resultado, pero Ronald Gomez a anota e 3-2 pa RCA den di 38 minuut y den di 62 minuut Mark Jacobs a anota e di 4 gol pa RCA.