Preocupacionnan di institutonan semi-gubernamental a wordo inventariza pa tene cuenta cu nan

Parlamentario Setty Christiaans Yarzagaray:

ORANJESTAD (AAN) – Parlamentario Setty Christiaans- Yarzagaray, entorno e ley LNT cu a pasa Diahuebs 30 di Juni, a sigui splica cu pa cu e ley aki Parlamento di Aruba a cuminza sinta cu diferente instituto semi-gubernamental cu kier a trece dilanti nan preocupacionnan, cu nan ta haya importante pa Parlamento sa, y tur esaki a wordo inventariza pa fraccion di MEP como Parlamento y como fraccion.

            Nan a purba di yega na cambionan, of trece otro ahustenan, pa tene cuenta cu mayoria di e puntonan cu a wordo treci dilanti. Pero como Parlamento nan no a ricibi tur informacion den concreto, y pesey tambe no a duna nan un bon bista di e sistema salarial di e Institutonan aki, y esey ta hacie asina dificil pa Parlamento haci su trabao.

            Pero si a tuma nota di e Comision di Corp of Government, institui pa gobierno pa conseho, y na unda cu por a wak e tabel di algun instituto cu ta core over di sumanan di 600 mil florin na salarionan den e top.

            En principio pa un salario di Minister Presidente di Aruba ta rond di 250 mil florin, y ta surpass e exponencialmente. Esaki ta puntonan cu mester wordo adresa, y ancra den ley, y pesey Parlamento a tuma su rol.

            Di banda di fraccion di MEP nan a introduci amienda y mocionnan pa tene cuenta cu tur e preocupacionnan di e instancianan aki, y nan a hisa e nivel original cu tabata para den ley di 261 mil florin pa aña na 329 mil florin.