Prefinalnan yen ambiente di Aruba Soca Monarch 2025

ORANJESTAD (AAN): Diaranzon anochi pa exactamente 7:00 pm, e evento di Aruba Soca Monarch 2025 Festival a cuminza den Centro di Bario Brazil. 

Como cu den dia e fluho di humedad a move bay zuid aleha di Aruba, a bira mas seco riba e isla.  Pues a start sali cu yen di animo.

   Presidente di Asociacion MUSICA, Edwina Werleman a expresa di ta contento pa mira cu di trempan caba di publico presente pa e anochi di Pre-Finals.  Despues a bin cu e prome cancion, cu un soca clasico-moderno di Derwin Kemp (Master Gusto) yama ‘Woporop’, acompaña pa e grupo musical The Gang.  E prome anochi a participa tambe Shine Music, DLS, Suona, Oreo, y Impak 4Play.